好開心又有得試用啦
夏天就快到
貪靚嘅女士們除左勁用美白產品之外
當然唔少得防曬啦
基本上大部份美容護膚品牌都有推出防曬用品
而我地應該點樣選擇呢?
首先要注意佢嘅防曬度
如果你係室內活動嘅人, 例如OL, 學生
比較少機會出外, 咁你就可以選擇低度數防曬,
但係如果你室外活動多, 甚至會勁出汗嘅活躍型,
咁你就要揀高度數, 而且防水, 防汗嘅PRODUCT啦!
而今次我有幸試用嘅就係NEUTROGENA最新PRODUCT
高效調色防曬乳液
小小的一樽已經有30ML, 足夠我一個夏天使用啦!
SPF50+ PA+++ 好適合我帶狗狗去游水嘅時候用!
專利HELIOPLEX高效隔光科技, 為高等級美國防曬技術,
能長效阻絕UVA/UVB, 長時間持續防禦紫外線對肌膚的
傷害及老化
究竟什麼是UVA, UVB???
其實紫外線中的UVA是造成肌膚曬黑, 老化嘅主要原因,
而UVB則會讓肌膚曬紅, 曬傷
由於我嘅肌膚係屬於偏黃暗沉, 所以我就揀左紫色
黎調節一下我嘅膚色啦!
一般防曬產品都係白色乳液狀,
而NEUTROGENA就係淺紫色
哈哈, 好薰衣草嘅浪漫感覺, 不過當然無薰衣草味啦!
水凝露質感, 不泛油光, 不黏膩, 清爽質地很快被皮膚吸收,
令皮膚更見光澤, 唔化妝都可以保持好面色
官網話佢防水防汗, 好, 就等我地睇下係咪真係防水先!
在水喉下面沖左10秒, 無咩分別, 感覺上防曬液仍然有效
輕力在皮膚面層揉了幾下, OH MY GOD!!!
水水竟然變成奶白色, D防曬溶左啦!!!!
不過, 其實就算幾強幾防水嘅防曬,
當我地真係出左汗, 或者游完水上岸,
都好應該再補 搽一次,
確保防曬嘅功效無因為水份而流失左!
總結
其實我一直都有用NEUTROGENA嘅噴霧防曬,
貪佢方便又唔會有色, 今次嘅調色霜可以當BASE用,
又有高效防曬, 就算出街唔化妝, 都唔會因為面色唔好而比人覺得
自己好殘!
雖然防水度一般, 不過仍然可以接受,
以咁經濟嘅價錢可以買到咁高度數嘅防曬,
我都覺得值得一試!!!
留言
發佈留言