活動分享 ~ 新假期 X GIFFARINE X Will Wong化妝班

3月22日, 好開心有機會參加由新假期主辦嘅活動,
今次化妝班好高興請來WILL WONG親身上陣,
教我地化妝, 而且仲係用GIFFARINE嘅產品TIM.
有睇我個BLOG嘅朋友都應該知道我之前介紹過佢地嘅PRODUCT,
其中, 佢嘅12色胭脂連眼影套裝就非常受歡迎,
而且亦都好吸引我去買, 今次我亦都係因為GIFFARINE依個牌子,
而參加今次活動!

今次活動係新假期"獨家玩兵團"第一次化妝活動,
舉辦地點就係朗豪酒店, 好彩約左一班BLOGGER一齊去,
如果唔係實搵唔到點上去啦!!!

好有趣地, 有好多相熟嘅BLOGGER都被邀請參加今次活動,
有大眼媽媽, EYLSE, DOLPHIN, 莎莎, BABYALPHA, UNA,
CORIN等等.

大家圍住一齊坐, 不過坐位安排得唔係太好,
有D坐太遠, 有D又坐太近, 變左有D化妝示範睇唔得清楚

由於今次活動係7時開始, 所以大會好貼心地為我地準備左一D小食,
同埋飲品, 等我地唔洗捱肚餓
香濃嘅咖啡正好為我提一提神

而MODEL方便就找來超級玩家SO SO來示範,
有睇開新假期嘅都應該留意過佢,
不過 SORRY, 我真係唔識佢, 而且我覺得佢著到咁貼身,
又短裙, 又低胸, 頂住33C嘅胸部(我估架咋)黎示範化妝,
好似有D唔係太妥當, 其實佢可以著返平實D,
始終, 我係黎學化妝架!

除左睇WILL教學之外, 我地都可以自己動手,
GIFFARINE好體貼地為我地準備左一套迷你掃,
一盒12色胭脂連眼影, 一支閃粉, 護唇膏,
眼線筆等等.

用過佢嘅12色, 覺得眼影好出色, 少少份量,
已經令眼部著色, 而且容易推開,
不過胭脂就有點失望了, 要掃很多次才上到色.
眼線筆也值得推介, 畫上手後輕揉幾次都不會脫色,
不過我掛住玩, 唔記得影相比大家睇!

至於護唇膏同閃粉都唔錯, 有機會大家可以到專門店一試