（ 我的第二胎懷孕日記） 試用優合the one泵奶機系列用後心得

因為兩女之母其實我都有好多餵母乳嘅經驗
記得上一胎我餵大小姐嘅時候就係用medela freestyle泵奶機
到咗呢一胎我就上網搵咗好多資料想睇下究竟有冇啲新款嘅泵奶機可以試下
其實市面上有好多好多唔同款式嘅泵奶機
價錢有平有貴
要搵一款適合自己用嘅泵奶機真係一啲都唔容易
最近比我喺網上面搵到幾多好評嘅一個牌子
我講緊嘅就係優合the one呢一個系列

首先講下呢套the one嘅泵奶機
佢機仔細細 都好方便大家使用

套裝裏面仲有埋冰袋同埋冰種
方便過大家要帶奶出街
或者要返工嘅都可以用到

呢套the one跟機就有24和27 mm喇叭
另外有一對軟墊就係21 mm可以加喺24 mm嘅喇叭上面
即係總共有三個size

套裝入面亦都包咗兩個奶樽仲有儲奶樽蓋

部主機就係觸控式嘅主機
配有一條單喉，仲有一條雙喉

主機總共有五種模式
第一種就係按摩模式可以刺激乳腺

第二種模式就係仿生模式可以模仿bb吸啜

第三種呢就係深吸模式可以處理乳塞
同埋快啲泵清

另外亦都可以選擇混合模式
喺深吸模式嘅時候再長按更換模式鍵
就會同時出現按摩加深度模式

最後你仲可以自己揀個人模式
有六級吸力， 20級嘅節奏
可以根據個人需要自己選擇

其實我之前 用medela freestyle泵奶機嘅時候
我都覺得幾好用嘅
不過佢嘅價錢就比較貴
行貨價都要成三千幾蚊
仲未計你自己另外買一啲配件去用
同埋我自己用過freestyle我就覺得佢嘅聲音係比較嘈
當我半夜要泵奶嘅時候其實都會幾嘈到爸爸嘅
基本上因為唔係人人都可以咁容易成功餵到母乳
如果要你一開始就發三千幾蚊去買一套泵奶機
結果你自己可能上唔到奶或者泵唔到出嚟俾bb飲嘅時候
其實都幾嘥咗呢個錢
我好好彩我第一胎嘅時候呢就係朋友借呢部機畀我使用
咁而我亦都係本身都好成功咁餵到全母乳
所以我用freestyle都用咗有一年嘅時間

今次第二胎 我都好期望自己可以做到全母乳
再加上上一胎都有經驗
所以今胎都順順利利
依家寶寶都可以食得飽
總括用咗優合the one一段時間其實都有少少心得可以分享
講價錢優合真係超抵用
因為一套講緊係七百幾八百蚊
如果你係作為一個第一胎想嘗試餵母乳嘅媽媽嚟講
七百幾蚊買一套就算真係到時用唔到
你將佢送畀朋友都唔會覺得肉赤
而價錢平得嚟佢嘅效果又真係好好
絕對唔會差過貴牌子好多
再加上the one嘅主機我覺得佢嘅噪音係比較低
就算半夜用嘅時候都唔會話好嘈
而且佢嘅吸力都好夠力
有一至六度畀你揀
其實如果第一胎嘅朋友我覺得都係用2，3
已經好足夠
我自己就冇特別去揀個人模式
我通常就會一開機就用設定咗嘅按摩模式
兩分鐘後佢就會自己轉做仿生模式
由於個吸力都幾足夠所以好快就已經可以吸清母乳

總括嚟講優合the one泵奶機優點係泵得快，泵得清， 價錢平， 主機夠輕身
缺點係 電池用得快大約三至四次已經要再充電

我覺得the one優合嘅泵奶機
同埋the one cup
無論喺價錢上, 功能上, 或者係操作上
其實都係好超值抵用嘅
如果你需要屋企有一套泵奶機
公司有一套泵奶機嘅時候
優合亦都係一個好好嘅選擇
唔需要花好多嘅錢你都可以買到一部功能唔錯嘅機

泵得快而清，無噪音，機身輕巧

如果你最近都喺度煩惱緊究竟買乜嘢泵奶機嘅時候
不妨參考下我嘅意見啦
希望你可以盡快搵到一部適合你嘅泵奶機

喺呢度我都分享一下一啲餵人奶嘅心得
想母乳充足其實最緊要係媽媽本身嘅水份都要足夠
飲多啲湯水, 飲下炒米茶
千祈唔好減肥節食
頭一個月最後一日三餐都係有飯落肚
再加上喺你泵奶或者餵母乳之前
多啲同個胸做下按摩疏通下乳腺
力度唔需要大，輕輕按摩下都可以有幫助
同埋當你夜晚沖涼嘅時候用花灑
開住微暖嘅水去沖下個胸
都可以幫助到個乳腺更加暢通

你地睇下我個二小姐幾肥美

 遲啲我會再同大家分享一啲催乳嘅湯水
又或者係一啲食療可以幫助你更加多母乳
記住留意我嘅分享啦

希望大家喜歡我這次的分享


Contact Me:

Facebook 專頁: vivibeauty
Main Blog: vvloklok.blogspot.com
Instagram: http://instagram.com/vivianlok
Weibo: lokxlok

歡迎任何合作和試用
 vvloklok@yahoo.com.hk

免責聲明:

是次產品/產品資料由 品牌 提供, 本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。