活動分享 ~ THE ZTYLE X ASCENT 個性香氛大測試

今日又去左一個試用活動
依一次嘅活動係由ESTEE LAUDER集團既
ARAMIS AND DESIGNER FRAGRANCES部門搞架,
目的就係透過 ASCENT個性香氛測試系統, 輕易搵出屬於您個性嘅香氛
而活動地點就係位於銅鑼灣時代廣場B1地庫(CITYSUPER旁邊)

 
會場裡面放左好幾張梳化
讓BLOGGER同埋一眾有份參與活動嘅朋友們
可以坐得舒舒服服咁去揀適合嘅香水

 

會場中嘅佈置都很有品味

亦都放左好多牌子嘅香水比大家了解
當然啦, 之後玩完個測試
其實就係送依一堆香水中嘅其中一支比你!
唔知你認唔認得晒咁多隻牌子呢?

為左衛生, 佢地仲準備左香水紙
不過我依然見到有D人係唔識用香水紙
直接噴落自己條頸度
唔通佢有體臭???

好多人排隊呀! 緊係啦, 咁好嘅活動一定好多人參加!
好彩, 我身為ZTYLE嘅BLOGGER,
個RECEPTION一見到我張FORM,
就好快安排左我玩測試啦!

 

見到每一個BA都好細心咁同其他人測試,
搞到我都好緊張TIM!!

 

等候期間我就過左隔離睇下野,
原來DKNY就係隔離擺左COUNTER

 

好SWEET嘅感覺呀! 寧我立即聯想到夏天就快黎啦!
可惜以家天氣唔知搞咩鬼,
時凍時熱! 都唔知點著衫好!
今日都仲著緊短袖, 聽日又話凍返啦!

 

望見咁多糖果, 希望夏天快D黎啦!!!!

 

等左5分鐘左右, 終於到我啦! 究竟我係咩型呢?

 

測試方法好特別, 係用依家勁多人擁有嘅IPHONE玩架!
不過依個APPS係獨家, 唔可以自己DOWNLOAD玩架!

 

佢會問幾條問題, 讓你透過圖片同 聲音,用直覺選擇答案

 

登登登登
得出嘅結果, 我係高雅型兼休閒型,
哇, 又高雅, 又休閒, 咁我咪好似闊太?
好, 一於睇下闊太應該用咩香水先!

 

BA姐姐話, 其實依兩種味都好適合我,
紫色就高貴D, 緣色就香甜D,
起初我就揀左紫色,
不過之後BA姐姐竟然話仲有兩隻可以比我揀!

 

AIYA!!! 好衰架! 4隻咁多, 點揀好WOR!!!

 

不過最後我就揀左佢!!! 係我最愛嘅粉紅色, 又係限量版,
而且風信子味, 好特別, 未試過!!!

 

你睇下隻公仔聞到香水味, 個樣都變得好冧呀!!!

 

仲有一個靚靚DKNY紙袋

 

同埋小冊子!!!

睇完係咪覺得好吸引呢? 如果你地都想搵到真正屬於自己的香氛, 唔好再諗啦!
快Ｄ去參加啦!
日期：2010年4月22日至26日
時間： 上午十一時至晚上九時
地點： 銅鑼灣時代廣場B1，CitySuper旁


再次感謝 THE ZTYLE & ASCENT